ÇĂВА тухнăранпа урамра мотоциклсемпе питбайксем пăвансем пек нăйлатса çÿреççĕ. Вĕсенчен кăнтăрла кăна мар, каçпа та канăçлăх çук. Руль умне ларакансем хушшинче ытларах çамрăксем. Хăшĕ-пĕри çул-йĕр правилине те йĕркеллĕ пĕлмест, анчах ярăнма тухать. Пуçа ятарлă шлем тăхăнмалли пирки те манаççĕ. Е тата хÿтĕлев хатĕрĕ водителĕн пур, пассажирăн — çук. Пурнăç вара никамăн та иккĕ мар...

Республикăра «Питбайк-2026: тĕрĕслев тата хăрушсăрлăх» акци иртет. Вĕрентÿ министерствипе Патшалăх автоинспекцийĕ çул çитменнисемпе тата вĕсен ашшĕ-амăшĕпе тĕл пулусем йĕркелеме палăртнă. Вĕсем питбайк спорт инвентарĕ пулнине, çулпа çÿремелли транспорт маррине, унпа урамра ярăнни пурнăçшăн хăрушлăх кăларнине ăнлантарса параççĕ.