ИЛЕН праçникĕ хыççăн шыв сивĕнме пикенет. Çанталăк та кĕр енне сулăнать. Юлашки кунсенче ирĕн-каçăн урамра вунă градус ытларах çеç ăшă пулчĕ. Çавăнпа та малашне шыва кĕрсе киленес, ишес текенсен кунĕсем те вĕçленсе пыраççĕ. Аслисен те, ачасен те ку тĕлĕшпе асăрханмалла. Теветкеллĕх инкекпе çаврăнса тухма та пултарать. Халиччен республикăра 26 çын путса вилнĕ. Вĕсенчен тăваттăшĕ вара ачасем.
Август 2026 |
