Чулхулара туризм пулăмĕсен конкурсне пĕтĕмлетнĕ. Унта 193 проект тăратнă, 400 çын хутшăннă. Вĕсен йышĕнче чăваш туроператорĕсем те пулнă. Наци премине «Хĕл Мучи патне хăнана» туризм проекчĕ тивĕçнĕ. «Ясна» этнокомплекс ĕçченĕсем хатĕрленĕ проект «Ача-пăча валли йĕркеленĕ чи лайăх пулăм» номинацире мала тухнă. Аса илтеретпĕр: ку проект кăçалхи январь уйăхĕнче пурнăçа кĕнĕ. Уяв кунĕсенче «Хĕл Мучи патне хăнана» вун-вун шкул ачи кайса курнă.
Февраль 2026 |
