Муниципалитетра

Раççейри çемьесен

перекет тата инвестици фестивалĕн округри виççĕмĕш тапхăрĕ иртнĕ. Финанс пĕлĕвне чи лайăх пĕлекенсем камсем-ши?

Шăпах çакна палăртма çичĕ çемье — Патăрьелĕнчи Путяковсем, Çĕнĕ Ахпÿртри Баюсовсем, Сăкăтри Мердинсем, Тутар Сăкăтĕнчи Гайнулловсем, Кĕçĕн Арапуçĕнчи Селивановсем, Шăнкăртамри Пазюковсем, Аслă Чементи Казанцевсем — хутшăннă. Вĕсем тĕрлĕ ыйтăва хуравланă, квестсем витĕр тухнă. Пур йывăрлăха çĕнтерсе Патăрьелĕнчи Путяковсем мала тухнă. Вĕсем Юхмапа Пăла тăрăхĕн чысне çывăх вăхăтра республикăра хÿтĕлеççĕ.