ĔНЕСЕН шучĕ чаксах пырать. Ялта аслă çултисем ытларах пурăнаççĕ, çавăнпа сахалланать тесе калама та пулать, çав вăхăтрах çамрăксемех ăна усрамаççĕ. Пысăк выльăха тимлĕхĕ ытларах кирли каламасăрах паллă: вăхăтра сумалла, çитермелле, çу каçа апат çителĕклĕ хатĕрлемелле... Çĕр пайĕсене уйрăм çынсем илме пуçланăранпа кĕтÿ кĕтмелли вырăнсем те сахалланса пыраççĕ, çакă та йыша витĕм кÿрет. Чуна ыраттаракан тепĕр ыйту вара — сĕт хакĕ. Паян ăна 20 тенкĕпе туянаççĕ. Лавккара çур литрлă савăта тултарнă газлă шыв 35 тенкĕрен йÿнĕ маррине шута илсен, паллах, унăн хакĕ — чун ыратăвĕ.