Шупашкарта Пĕтĕм Раççейри

«Никольский вулавĕсем — 2026»

наукăпа практика конференцийĕиртнĕ.

Ăна Раççейри халăхсен пĕрлĕхĕн тата Чăваш Енри Халăхсен туслăхĕн çулталăкне, паллă ученăй Николай Никольский çуралнăранпа 148 çул çитнине халалланă. Мероприятинче пленарлă ларусем, мастер-классем, вĕрентÿ трекĕсем, педагогика, культурăсем хушшинчи хутшăну, патриотла воспитани тата хальхи вăхăтри технологи ыйтăвĕсене хускатнă.

Пĕлтерĕшлĕ мероприятие Патăрьелĕнчи пĕрремĕш вăтам шкулти педагогсем — Люция Хисамутдиновăпа Ризиля Кадырова (сăн ÿкерчĕкре) — хутшăннă, хăйсен професси опычĕпе паллаштарнă. Иккĕшĕ те республикăн тĕп хулинчен пушă алăпа таврăнман, вĕсем «Никольский вулавĕсем — 2026: Историнчи, культурăри тата çутĕçĕнчи халăх пĕрлĕхĕ» конференцин лауреачĕсем.