Патшалăхăн тĕп тата пĕрлехи экзаменĕсем пуçланчĕç. Округра пĕлÿ тĕрĕслевне 9 класран вĕренсе тухакан — 410, 11 класри 164 выпускник хутшăнать.

Июнĕн 1-мĕшĕнче 11 класра вĕренекенсем историпе, литературăпа тата химипе, 4-мĕшĕнче — вырăс чĕлхипе, июнĕн 2-мĕшĕнче 9 класра вĕренекенсем математика, 5-мĕшĕнче биологи, географи, информатика, физика тата акăлчан чĕлхи предмечĕсемпе тытнă.

Юлашки çул парта хушшине ларакансем патшалăхăн пĕрлехи пур экзаменне те Патăрьелĕнчи пĕрремĕш вăтам шкулта тытаççĕ. Çавăн пекех хăш-пĕр тĕрĕслев ĕçне кÿршĕ округри вĕренекенсем те кунтах çыраççĕ.

9 класран вĕренсе тухакансем Патăрьелĕнчи пĕрремĕш, Шăнкăртамри Э. Феизов ячĕллĕ вăтам шкулсенче экзамен параççĕ.

Ольга ПАВЛОВА