Чăваш Енре 2026 çулта вĕренсе тухакансем валли патшалăхăн тĕп тата пĕрлехи

экзаменĕсен кунне çирĕплетнĕ.

Тăххăрмĕш класра вĕренекенсем июнĕн 2-мĕшĕнче математикăпа экзамен парĕç. Июнĕн 5-мĕшĕнче — биологипе, географипе, информатикăпа, физикăпа тата акăлчан чĕлхипе, 6-мĕшĕнче — информатикăпа, акăлчан чĕлхипе тата чăваш чĕлхипе, 9-мĕшĕнче — вырăс чĕлхипе, 16-мĕшĕнче — химипе, общество пĕлĕвĕпе, информатикăпа тата литературăпа, 19-мĕшĕнче — химипе, историпе, физикăпа, географипе, общество пĕлĕвĕпе, информатикăпа тата биологипе. Экзамена тĕп кунсенче тытайманнисем валли резерв кунĕсем палăртнă: июнĕн 29-мĕшĕнче — математика, июлĕн 2-мĕшĕнче — вырăс чĕлхи, 3 тата 6-мĕшĕсенче — ытти мĕн пур предмет.

11 класра вĕренекенсемшĕн экзаменсем çуллан пĕрремĕш кунĕнче пуçланĕç. Июнĕн 1-мĕшĕнче историпе, литературăпа, химипе иртĕ. 4-мĕшĕнче — вырăс чĕлхипе, 8-мĕшĕнче — математикăпа, 11-мĕшĕнче — общество пĕлĕвĕпе, физикăпа, 15-мĕшĕнче — биологипе, географипе, ют чĕлхесемпе (çырса), 18-19-мĕшĕсенче — ют чĕлхесемпе (сăмах вĕççĕн), информатикăпа.

Çĕртме уйăхĕн 22-25-мĕшĕсенче — резерв кунĕсем. Кăтартусемпе кăмăлсăррисем июлĕн 8-9-мĕшĕсечне экзамена тепĕр хут тытма пултараççĕ.