Пĕтĕм Раççейри «Зарница 2.0» çарпа патриот вăййи старт илчĕ.

Вăл «Паттăр» стадионта майăн 12-мĕшĕнче пуçланчĕ.

Чыслă лару-тăрура патшалăх ялавне хăпартма иртнĕ çулхи регион тапхăрĕнче çĕнтерсе сентябрь уйăхĕнче Волгоградра Атăлçи федераци округĕнче лайăх кăтартусемпе палăрнă Патăрьелĕнчи пĕрремĕш вăтам шкул çамрăк армеецĕсем тивĕç пулчĕç.

Ку хутĕнче вăйăсене округри шкулсенчен 18 команда хутшăнать. Виçĕ кун вĕсен хăйсен пултарулăхне тĕрлĕ тĕрĕслевре кăтартмалла пулать. Çĕнтерÿçĕсен округ чысне республикăри ăмăртусенче хÿтĕлемелле.