Чăваш Республика Пуçлăхĕн Олег Николаевăн хушăвĕпе килĕшÿллĕн Патăрьел муниципалитет округĕн администрацийĕн вĕрентÿ, çамрăксен политики, физкультура тата спорт управленийĕн начальникне Ирина Петровна Рубцовăна «Чăваш Республикин тава тивĕçлĕ вĕрентÿ работникĕ» хисеплĕ ят панă (сăн ÿкерчĕкре чыслав саманчĕ).

Ирина Петровна хăйĕн ĕçĕнче профессионал. Чылай çул вĕрентÿ отраслĕнче тăрăшса пысăк хисеп çĕнсе илнĕ, ачасемпе çамрăксене тивĕçлĕ воспитани парас ĕçре те хастарлăх кăтартать, округри меропрятисене активлă хутшăнать. Вăл «Пĕрлĕхлĕ Раççей» партин «Çĕнĕ шкул» проекчĕн координаторĕ.