КАШНИ çыннăнах хобби пур: пĕрисем маркăсем пухаççĕ, теприсем — авалхи япаласем, виççĕмĕшсем — тĕрлĕ хулана сăнлакан магнитиксем... Укçа коллекцилекенсем те пур. Вĕсем хăйсен пухмачне çывăх вăхăтра тата пуянлатма пултараççĕ. «Раççей Федерацийĕ» серипе килĕшÿллĕн кăçал Чăваш Республикин гербне çапнă 10 тенкĕлĕх укçасем тухаççĕ. 2027 çулта «Ĕç паттăрлăхĕн хулисем» серипе Шупашкар гербĕллĕ 10 тенкĕсем кăлараççĕ. Кун пирки Раççей банкĕн Атăлпа Вятка тĕп управленийĕн начальникĕ Андрей Попов пĕлтернĕ.
Август 2026 |
