ÇАНТАЛĂК ăшăтсан çут çанталăк чĕрĕлет, пĕрлех мотоциклсем, питбайксем кĕрлесе унталла та кунталла вĕçтереççĕ. Ашшĕ-амăшĕ ачисене тем сăлтавпа икĕ кустăрмаллă техникăна туянса параççĕ. Анчах çул-йĕр правилисене пĕлни пирки кăсăкланмаççĕ те...

Иртнĕ канмалли кунсенче ачасемпе çыхăннă икĕ çул-йĕр аварийĕ пулнă. Майăн 2-мĕшĕнче шкулта вĕренекен питбайкпа хĕр ачана çапса хăварнă, суранланнăскере Шупашкарти больницăна ăсатнă.

Çуллахи каникулччен нумай вăхăт юлмарĕ, çакна шута илсе шкулсенче, пĕрлех килте те, çул-йĕр хăрушсăрлăхĕпе профилактика ĕçĕсем ирттермелле. 18 çул тултарман каччăсен руль умне лариччен тĕплĕн шутламалла.