ШĂНКĂРТАМРИ пĕрремĕш вăтам шкулта 9-11 классенче вĕренекенсем валли профориентаци мероприятийĕ иртрĕ. Ăна муниципалитет округĕн администрацийĕ республикăри çут çанталăк ресурсĕсен тата экологи министерствипе пĕрле йĕркеленĕ.

Унта аслă тата професси паракан вĕрентÿ учрежденийĕсен — Хусанти патшалăх аграри университечĕн, вăрман тата çутçанталăкпа усă куракан институтăн, Атăлçи патшалăх технологи университечĕн представителĕсем — хутшăннă.

Тĕлпулу вăхăтĕнче тематикăпа çыхăннă мастер-классем йĕркеленĕ. Ачасен умĕнче студентсемпе выпускниксем тухса каланă. Муниципалитет округĕн пуçлăхĕн пĕрремĕш çумĕ Фениль Алиуллов сăмах илнĕ.

Мероприяти «Единая Россия» партин «Симĕс экономика» проекчĕпе килĕшÿллĕн иртнĕ.