Кзыл Чишмари мăсăльман тĕн прихучĕн организацийĕ кăмăла тивĕçтерекен ырă ĕç тунă. Сусăрсемпе аслă çулти çынсен вăхăтлăх пурăнмалли стационарне çĕнĕ матрассем парнеленĕ. Прихут ĕçченĕсем çакнашкал акцие пĕр хутчен çеç хутшăнмаççĕ. Ыркăмăллăхпа пулăшу кÿресси тĕн ĕненĕвĕпе те çыхăннă.
«Эпир кунта пурăнакансен пурнăç условийĕсене лайăхлатассине тивĕçлĕ тÿпе хывма пултарнишĕн савăнатпăр. Пирĕн чун-чĕре ăшăлăхĕ тата пысăк тимлĕх çиттĕр вĕсем патне»,— теççĕ ырă кăмăл йĕркелÿçисем.
Август 2026 |
