ХИРСЕМПЕ пахчасем трактор, çын шавĕпе туличчен шутлă кунсем çеç юлчĕç. Акана хатĕрленекенсене Патăрьелĕнчи «Юхма» пасарта хапăлласах кĕтеççĕ. Кунта апрелĕн 4-мĕшĕнчен çулленех иртекен «Çуркунне-2026» ял хуçалăх ярмăркки ĕçлеме тытăнать. Уйрăм хуçалăхпа пурăнакансем, ял хуçалăх таварĕ туса илекенсем акмалли, лартмалли вăрлăхсене сутма пуçлаççĕ. Хăйсем туса илнĕ продукцие сĕнекенсене çăмăллăх та туса панă, вĕсен вырăншăн укçа тăкакламалла пулмасть. Сентресем сухан-çевок вăрлăхĕнчен пуçласа Патăрьелĕн пулăхлă çĕрĕнче çитĕннĕ тĕмсемпе пуянланĕç.

2025 çулта çуркуннехи ярмăрккăра ял хуçалăх таварĕ туса илессипе ĕçлекен 40е яхăн хуçалăх хутшăннă.