Муниципалитет округĕнче Раççей Федерацийĕнчи халăхсен пĕрлĕхĕн, Чăваш Республикинчи халăхсен туслăхĕн çулталăкне уçрĕç.

Паян эпир мăнаçлансах чăваш, тутар, вырăс, ирçе халăхĕ çума-çумăн килĕштерсе ĕçлесе пурăннине çирĕплетме пултаратпăр. Кирек хăш халăхăн та юрри-кĕвви уççăн янăрать.

Çак уяв та Патăрьел муниципалитет округĕнче пурăнакан туслă халăх ĕçре те, канура та яланах пĕрле пулнине, пĕр-пĕрин культурине, йăла-йĕркине хисепленине кăтартса пачĕ. Тĕрлĕ наци тумне тăхăннă каччăсемпе хĕрсем карталанса юрларĕç, хирĕç тăрса ташларĕç.