НĂРВАШ Шăхалĕнчи культура çурчĕ çумĕнче «Гармония» ансамбль йĕркеленнĕренпе нумаях та вăхăт иртмен-ха. Çавах сцена ăстисем палăрма та ĕлкĕрчĕç. Муниципалитет округĕнче йĕркелекен мероприятисене хутшăнмасăр юлмаççĕ вĕсем. Мускаври ВДНХ выставкине те çитнĕччĕ. «Пехет» агромаркетра ирттернĕ муниципалитет округĕн кунĕсене те сиктермеççĕ. Куракансене репертуарта 80-мĕш çулсенчи тата халăхран тухнă юрăсем пулни те кăмăла каять. Культура сферинчех ĕçлеççĕ Людмила Ядуркина, Ольга Алексеева, Наталия Груздева. Ăсталăхне якатсах, программăна пуянлатсах пыраççĕ вырăнти артистсем.