ПРАВОСЛАВИ тĕнне ĕненекенсен хальхи вăхăтра Аслă типĕ пырать. Вăл апрелĕн 11-мĕшĕчченех тăсăлать. 12-мĕшĕнче вара чи çутă та пысăк уява, Мăнкуна, кĕтсе илетпĕр. 40 куна тăсăлакан типĕре нумайăшĕ какай, сĕт-çу, çăмарта çимеççĕ, чиркĕве кайса пая кĕреççĕ. Сăмах май, апат-çимĕçрен чару тунисĕр пуçне чуна тасалăхра упрама, пĕр-пĕрне пулăшма, лайăх ĕç тума тăрăшмалла.

Кĕлĕ çуртне çÿрекенсем валли ырă хыпар пур: мартăн 15-мĕшĕнче «Державная» турăш ячĕллĕ Патăрьелĕнчи чиркĕве Улатăр тата Пăрачкав епископĕ Феодосий килет. Çак кун пурне те хапăл тусах кĕтеççĕ. Литурги 9 сехетре пуçланать.