«Пĕрлĕхлĕ Раççей» партин пуçламăш медицина пулăшăвĕпе усă курма май пуррине ÿстерме пулăшакан «Сывă пуласлăх» проекчĕпе килĕшÿллĕн республика сывлăх сыхлавĕн цифра сервисĕсене МАХ наци мессенджерĕ пĕрлештерет. Чăваш Енĕн сывлăх сыхлав министрĕ Лариса Тарасова хăйĕн социаллă сетьĕсенче республикăра пурăнакансен медицина пулăшăвĕсемпе тÿрех мессенджер урлă усă курма пултарнине палăртнă. Çак мелпе кашниех тухтăр патне çăмăллăнах çырăнма, дистанци мелĕпе консультаци илме, телемедицина пулăшăвĕсемпе усă курма, больничнăйне хупма пултарать. «Чат-бот хута кайнăранпа 31 пин çын ытла МАХ урлă тухтăр патне çырăннă, 3,4 пин ытла телемедицина консультацийĕпанă, 2,7 пин ытла больничнăйне хупнă. Цифрăллă сервиссене малалла ĕçе кĕртес тата интеграцилес, пациентсене лайăх мелсем туса парас тесе тăрăшатпăр»,— палăртнă министр.