ХĔЛ сивви пит парăнасшăн пулмасан та çанталăк çур енне кайни аванах сисĕнет. Кунсем те вăрăмланса пыраççĕ, хĕвелĕ те ăшăрах пăхать, пĕрлех çурт тăррисен хĕррипе çакăнса тăракан тумла пăрĕсем те нумайланаççĕ. Шăпах вĕсем çынсен пурнăçĕшĕн хăрушлăх кăлараççĕ. Çурт-йĕр çывăхĕпе утнă чухне асăрханулăха çухатмалла мар, айккинерех пырсан тата аван. Çавăн пекех зданисем тăрринчен юр катрăмĕ лаштăрах шуса анма та пултарать. Аслисен ачасене те тумла пăрĕ пурнăçшăн хăрушлăх кăтартма пултарнине каласа памалла. Инкекрен сыхлансан аванрах, çакна манас марччĕ.