ИРТНĔ шăматкун йĕлтĕрçĕсем Кĕçĕн Арапуçĕнчи Виталий Маркиданов ячĕллĕ йĕлтĕр трассинче «Раççей йĕлтĕр йĕрĕ — 2026» мероприятие хутшăнса хăйсен вăйĕсене тĕрĕслерĕç. Вырсарникун, февралĕн 22-мĕшĕнче, йĕлтĕрçĕсене Аслă Чемен территори пайĕнчи «Айтуш» уçланкă хапăлласах йышăнĕ. Кунта каратэ енĕпе икĕ хутчен тĕнче чемпионĕ пулнă Николай Алешев тата Патăрьел округĕн кубокĕн IV тапхăрĕн парнисене çĕнсе илессишĕн спортăн асăннă тĕсне кăмăллакансем 10 сехетре старта тăрĕç.

Хĕл кунĕсем вĕçленсе пыраççĕ, çавăнпа та çак кунхинех Çăварни уявне те ирттереççĕ.