Чăваш Енри хĕрарăмсен Союзĕн правленийĕн ларăвĕнче «Пĕрлĕхлĕ Раççейĕн «Хĕрарăмсен юхăмĕ» парти проекчĕпе Чăваш Енри Хĕрарăмсен союзĕ вăй-хала пĕрлештересси пирки йышăну тунă.

Ĕçе парти проекчĕн координаторĕ Наталия Добрянская, Общество канашĕн председателĕ Наталия Партасова тата муниципалитетсенчи вырăнти Хĕрарăмсен канашĕсен ертÿçисем йĕркелĕç. Патăрьел муниципалитет округĕнче Хĕрарăмсен канашĕн ертÿçи Алена Горшкова çак ĕçĕн координаторĕ.

Республикăри хĕрарăмсен Союзĕн председателĕ Наталья Николаева хăйĕн сăмахĕнче регионăн обществăпа политика пурнăçне хутшăнакан хĕрарăмсен шучĕ ÿснине палăртнă. «Эпир кирлĕ çынсене пуçарусем тума яланах хатĕр. Пирĕн проексене Пĕрлĕхлĕ Раççей программисене пĕрлештерĕç»,—палăртнă вăл. Парти проекчĕн общество канашĕн председателĕ Наталия Партасова «Хĕрарăмсен юхăмĕ» тата «Çĕнĕ шкул» проектсем профориентацине маларах аталантарма тытăнассине каланă. Тĕллевĕ — шкул çулне çитмен ачасене явăçтарса «Профессионалитет» программăна анлăлатасси.