РАШТАВ уйăхĕн пуçламăшĕ юрпах савăнтармарĕ пулин те хĕл уйăхĕ старт илчĕ. Çавăнпа та коммуналлă хуçалăх, çул-йĕре пăхса тăракан службăсен сивĕ те юрлă кунсене кĕтсе илме пур енлĕ хатĕр пулмалла. Вăл çеç те мар. Урамри çулталăкăн палли çула тухакан водительсенчен те çирĕп ыйтать. Çул-йĕр хăрушсăрлăхне пăхăнмалли саккунпа килĕшÿллĕн декабрĕн 1-мĕшĕччен, сывлăш температури кунсерен 5-7 градуса çитсен кашни автомашина хуçиех «хурçă учĕн» çуллахи кустăрмине хĕллехи çине улăштармалла пулнă. Ку таранччен те юр çуса тавралăха шуратайманни никамшăн та сăлтав пулмалла мар. Çул-йĕр инспекторĕсем пĕлтернĕ тăрăх шел пулин те паянхи кун та çуллахи урапапа çÿрекен теветкеллĕ водительсем те пур-мĕн....