Иртнĕ вырсарникун çул çинчи аварисенче пурнăçне татнă çынсене асăнмалли кун пулчĕ. РФ ШĔМĕн муниципалитет округĕсем хушшинчи «Батыревский» уйрăмĕн ГИБДД пайĕнче çулсеренех çак кун пачăшкăсемпе, Турра ĕненекенсемпе пĕрле хĕреслĕ çул çÿрев йĕркелеççĕ, чиркÿсенче вĕсене асăнса çуртасем çутаççĕ, кĕлĕсем ирттереççĕ. Хальхинче те хĕреслĕ çул-çÿреве Патăрьелĕнчи Державная Турă амăшĕн иконĕ ячĕллĕ чиркÿ настоятелĕ Александр Синяковпа ГИБДД начальникĕ, полици капитанĕ Павел Романов, çул-йĕр инспекторĕсем тата ыттисем те хутшăннă.

Сывлăх тата пурнăç — этемшĕн чи хаклă пуянлăх. Ăна упрасси, сыхласси хамăртан килет. Çавăнпа та инçе е çывăх çула тухакан водительсен, çуран çÿрекенсен те çул-йĕр правилисене çирĕп пăхăнмалла.