Шупашкарта ку чухнехи йĕлтĕр тата роллер трассине уçнă май, Республика Пуçлăхĕ Олег Николаев Раççейĕн паллă спортсменĕсемпе — йĕлтĕр Федерацийĕн президенчĕпе Елена Вяльбепе тата Раççейри биатлонистсен Союзĕн президенчĕпе Виктор Майгуровпа — тĕл пулнă, çитес çулах çĕнĕ трасса çинче масштаблă ăмăртусем ирттересси пирки сÿтсе явнă.

— Чăваш Республикинче йĕлтĕр тата биатлон ăмăртăвĕсем пысăк пĕлтерĕшлĕ. Секцисенче 33 пин ачапа çамрăк спортăн çак енĕпе хăйсене туптаççĕ, тренировкăсене сÿреççĕ, вĕсемпе 60 ытла тренер ĕçлет. Мĕн пур муниципалитетсенчех спорт пĕрлĕхĕсем пур,—палăртнă Республика Пуçлăхĕ Олег Николаев.