Ырă йăлана малалла тăсса Патăрьел ентешлĕхĕ октябрĕн 25-мĕшĕнче Шупашкарти Çеçпĕл Мишши ячĕллĕ Çамрăксен театрĕнче (унчченхи «Çеçпĕл» кинотеатр, Мускав проспекчĕ 33-мĕш çурт) уяв ирттерме палăртать. Тĕл пулу 14 сехетре пуçланать.

Ытти чухнехи пекех уява Юхмапа Пăла тăрăхĕнчи матур сцена ăстисем, юрă-ташăпа илемлетĕç, чуна пырса тивекен концерт лартĕç. Çавăн пекех уявра Украинăри ятарлă çар операцине хутшăнакан паттăрсемпе, сумлă çынсемпе те курнăçса калаçма, çыхăнăва çирĕплетме май пулĕ. Фойери паллă ÿнерçĕсен куравĕ те çак кун уява хутшăнакансемшĕнех ĕçлĕ. Кунтах ентешсемпе асăнмалăх сăн ÿкерĕнме те май пулĕ.