Чăваш Республикин Пуçлăхĕ Олег Николаев 23-мĕш хут «тÿрĕ лини» ирттерчĕ. Икĕ сехете тăсăлнă тÿрĕ эфирта вăл тĕрлĕрен çынсене кăсăклантаракан ыйтăва хуравларĕ: социаллă çăмăллăхсем, çул, ятарлă çар операцийĕсен участникĕсен тÿлевĕ, ял, хула хăтлăхĕ, çурт-йĕрпе коммуналлă хуçалăх сфери, авариллĕ çурт-йĕр тата ытти те.

Мĕн пурĕ «тÿрĕ линие» 800 ытла ыйту кĕнĕ. Ытларах вĕсене республикăра пурăнакансем социаллă сеть, интернет-ресурс урлă (289 ыйту) панă. Çавăн пекех кол-центр урлă 219, Республика Пуçлăхĕн телеграм-каналĕнчен 152 ыйту кĕнĕ. Эфир вăхăтĕнче Республика Пуçлăхĕ 50 ыйтăва тулли хурав панă. Ытти ыйтусем те пурте Республика Пуçлăхĕн тимлĕхĕнче пулĕç.