НĂРВАШ Шăхалĕнчи Пулевей урамĕ пек тирпейлĕ те хăтлă, çуллахи вăхăтра çеçкесемпе илемлĕ урамсемпе уçăлса çÿреме те кăмăллă. Кунта пурăнакан кашни çемье хăйсен çурт умĕпуринчен те кăтартулли пултăр тесе тăрăшать. «Пĕри — пуриншĕн, пурте – пĕриншĕн» текен тĕллевпе пурăнаççĕ кунта тĕпленнисем. Пысăкĕçсене ялан пĕрле пурнăçлаççĕ, час-часах тирпей-

илем субботникĕсем йĕркелеççĕ. Николай Узалуков опытлă староста кашнинпе пĕр чĕлхе тупса тăрăшни кирек мĕнле ĕçе те кал-кал пурнăçлама май парать. Марина Чебукова, Мария Максимова, Светлана Николаева урам хастарĕсем вара мĕнпур ĕçре кăтартуллă.

Пулевейсем тирпей-илемшĕн пурте пĕр çын пек кар тăнин результачĕ куç умĕнче. Кăçал вĕсем республикăра тирпей-илем енĕпе йĕркеленĕ конкурсра пĕрремĕш вырăн çĕнсе илнĕ! Сăмах май каласан, 2021 çулта та вĕсем республикăри çак конкурс çĕнтерÿçи пулнăччĕ.

— Пĕрлехи вăйпа çĕнсе илнĕ укçа-тенкĕне урама хăтлăх кĕртес тĕллевпех усă курасшăн,— пĕлтерчĕ территори пайĕн пуçлăхĕ Марина Кошкина.