Чăваш Республикин Пуçлăхĕн пуçарăвĕпе старт илнĕ «Сывлăх патне — утăм» проекта Чăваш Енре пурăнакансем хавхаланса йышăнчĕç. Çĕнĕ проект пурнăçа кĕнĕ тапхăрта республикипе 70 пине яхăн çын хăйĕн сывлăхне ниçта каймасăрах, юнашарах тĕрĕслеттерме, тухтăрсемпе куçа-куçăн курса калаçма пултарчĕ.
«Сывлăх пункчĕсем» Патăрьел муниципалитет округĕнче те тухăçлă ĕçлерĕç. Сывлăх хуралĕн ĕçченĕсемпе волонтерсем кашни территори пайне çитсе çынсене хăйсен ыйтăвĕпе йышăнчĕç, кирлĕ сĕнÿсем пачĕç.
Август 2026 |
