ПАТĂРЬЕЛ муниципалитет округĕнчи аслă ăру çыннисем общество пурнăçне яланах хастар хутшăнаççĕ. Вĕсене культура, спорт мероприятийĕсенче те тăтăшах куратăн, тĕрлĕрен тĕл пулусене те хутшăнаççĕ, алă ĕçĕпе те кăсăкланаççĕ, пахча çимĕç çитĕнтереççĕ тата ытти те. Ятарлă çар операцинчи салтаксене ыр кăмăллăхпа пулăшакансем те вĕсемех. Кашни ялта тенĕ пекех салтаксем валли хÿтĕлев сеткисем çыхнă çĕре те хастар хутшăнаççĕ. Округри пенсионерсен обществăлла организацийĕн ертÿçи Полина Логунова хисеплĕ аслă çулхи çынсене Пĕтĕм тĕнчери ватă çынсен кунĕ ячĕпе саламланă май, малашне те пысăк хавхаланупа пурăнма ырлăх-сывлăх çеç сунать.