ИРТНĔ шăматкун Патăрьел муниципалитет округĕнче, Шупашкарта Пĕтĕм Раççейри чупу — «Наци кросĕ» пысăк хастарлăхпа иртнĕ. Юхмапа Пăла тăрăхĕн спортсменĕсем республикăн тĕп хулинче те старта тăнă.

Акă, сăмахран Треньелĕнчи паллă спортсменсен, Фроловсен çемйинчи виçĕ ăру шăпах хулари çăмăл атлетсемпе кросра чупнă: хисеплĕ спорт-ветеранĕ Михаил Васильевич, Тĕнче класлă спорт мастерĕ Кирилл Михайлович ывăлĕ тата унăн 3-мĕш класри Агния хĕрĕ. Михаил Фролов хаçат редакцине пĕлтернĕ тăрăх, спорт ветеранĕ старта тăнă пысăк ушкăнпа 12 çухрăма чупса финиша тăххăрмĕш кĕнĕ.