Патăрьел муниципалитет округĕн команди «Советская Чувашия» хаçат парнисемшĕн икĕ хут Совет Союзĕн Геройĕ Андриян Григорьевич Николаева асра тытса ирттернĕ йăлана кĕнĕ çăмăл атлетсен эстафета ăмăртăвĕнче кĕмĕл медальсемпе таврăннă. Ăмăрту Шупашкарти «Олимпийский» тĕп стадионта иртнĕ.

Спорт уявĕ 110 командăри 700е яхăн çынна пĕрлештернĕ. Вăл Чăваш Республика Пуçлăхĕ Олег Николаев ертсе пыракан ертÿçĕсен чупăвĕнчен старт илнĕ.

Муниципалитет округĕнчи çăмăл атлетсене лайăх кăтартусемшĕн саламласа спортра малашне те ÿсĕмсем сунатпăр.