Пĕлỹ кунĕ умĕн Чăваш Республикин Пуçлăхĕ Олег Николаев муниципалитет округĕсенчи шкулсене 39 çĕнĕ автобус пачĕ. Вĕсенчен пĕри Юхма Енпе Пăлаçи тăрăхне çитрĕ, Тутар Сăкăт шкулне тивĕçрĕ.

Хальхи вăхăтра округри ятарлă 24 шкул автобусĕ вĕренме тата уроксем хыççăн килĕсене леçме тĕрлĕ ỹсĕмри 800 ытла ачана турттарать.

 Çĕнĕ автобуса киввине улăштармашкăн панă. Вăл виçĕ ялти - Алманчă, Кзыл Чишма, Красномайск - 43 ачана илсе çỹрĕ. Техникăна ГЛОНАССпа, тафографпа, çутатакан маяксемпе, хăрушсăрлăх пиçиххийĕсемпе, ку чухнехи хỹтĕлев хатĕрĕсемпе кашни вырăншăнах тивĕçтернĕ.

 Шкул автобусĕ çавăн пекех ачасене олимпиадăсене, спорт мероприятийĕсене турттарĕ, çитĕнекен ăрăва туллин аталанма май паракан мероприятисене те илсе çỹрĕ.

(Хамăр корр.)