Шăнкăртамра физкультурăпа сывлăх сыхлавĕн комплексне тума пуçланă. Унти строительство ĕçĕсемпе Чăваш Республикин строительство, архитектура тата коммуналлă çурт-йĕр хуçалăх министрĕ Владимир Максимов паллашнă.

Хальхи вăхăтра объектăн никĕсне янă, пĕрремĕш хутне хăпăртма пуçланă. Пулас комплекса 20 процента яхăн туса пĕтернĕ. Çитес çул вĕçĕнче вăл çынсене йышăнма пуçламалла.

 - Хальхи вăхăтри икĕ хутлă, виçĕ пин тăваткал метра яхăн йышăнакан физультурăпа сывлăх сыхлавĕн комплексĕнче ял çыннисем хăтлă та ирĕк залсенче спортăн тĕрлĕ тĕсĕпе тата тренажер залĕсенче сывлăхĕсене çирĕплетме пултараççĕ, - тенĕ Владимир Максимов хăйĕн телеграм-каналĕнче.

 Ольга ПАВЛОВА