Муниципалитет округĕн уй-хирĕсенче вырма ĕçĕсем вăй илсе пыраççĕ. Чи малтан "Батыревский" акционерсен хупă пĕрлешĕвĕн ĕçченĕсем (июлĕн 12-мĕшĕнче) кĕрхи культурăсен ани çине ỹкрĕç.70 гектар вырса çапрĕç. Кашнийĕшĕнчен вăтамран 54 центнер тухăç кĕртсе пыраççĕ.

Вырмана çавăн пекех "Исток" çĕр ĕç фирминче, Александр Петров фермер хуçалăхĕнче те пуçăнма хатĕр.

Муниципалитет округĕпе пурĕ планпа 2328 гектар кĕрхи культурăсене пухса кĕртмелле.

 Хуçалăхсенче 24510 тонна сенаж хунă.

 5980 тонна утă хатĕрленĕ.

 Севок кăларма пуçăннă. Муниципалитет округĕнче ăна 596 гектарта çитĕнтернĕ.