ПАТĂРЬЕЛĔНЧЕ темиçе кун каялла çеç çул çитмен çамрăк курăк çулакан техникăпа тимлĕ пулманран инкек курни пирки хаçатра çырнăччĕ. Хĕрĕме каланине кинĕм илттĕр тенĕ евĕр, çакнашкал пăтăрмахсенчен ыттисен асăрханмаллах темелле. Шел пулин те, çул çитмен ачасем е çамрăксем инкек-синкеке сирме тăрăшманни начар пулăмпа та вĕçленме пултарать.

Акă, çак кунсенче çеç Красномайскинче выльăх апачĕ пĕçерекен печка-прачкăн кăмакине çул çитмен ача (хуларан килнĕ кукамăшĕ патне) пĕчĕк газ баллонĕпе тивертме пикеннĕ те çулăм хыпса илнĕ. Юрать-ха, телее ача сывлăхĕпе çыхăннă пысăк хăрушлăх сиксе тухман.

Патăрьелĕнчи Советсен урамĕнчи КАМаз автомобилĕн электрооборудованийĕ кирлĕ пек ĕçлеменрен те чутах пысăк инкек пулман...