Çак кунсенче Шупашкарти "Олимпийский" стадионта Чăваш Республикин Пуçлăхĕ Олег Николаев пуçарнă "Чăваш Енри хаваслă çу кунĕсем" проектпа килĕшỹллĕн "Спорт çемйи" республика фестивалĕ иртнĕ. Мероприяти çемьесен пĕрлĕхне, командăсен вăйне кăтартакан чăн-чăн уяв пулнă.

 Ăмăртусем тĕрлĕрен дисциплинăпа иртнĕ: дартс, ГТО нормативне тултарасси, эстафета, хутăш эстафета. Фестиваль участникĕсем пĕринчен тепри спортри пултарулăхне, хăвăртлăхне, хăйсен вăйне, командăсен пĕрлĕхне кăтартнă.

Стадионта спортпа туслă 16 çемье старта тăнă. Вĕсем виçĕ ушкăнпа ăмăртнă. 10 - 12 çулсенчи хĕрачапа ăмăртăва хутшăнакансем хушшинче Патăрьел муниципалитет округне хỹтĕленĕ Рубцовсен çемйи виççĕмĕш вырăн йышăннă.

(Хамăр корр.)