Чăваш Республикин Пуçлăхĕн 2025 çулхи июнĕн 23-мĕшĕнче кăларнă 101-мĕш указĕпе килĕшỹллĕн экономикăпа финанс ĕçĕ-хĕлĕнчи тава тивĕçлĕ ĕçсемшĕн федераци казначействин Чăваш Республикинчи управленийĕн 3-мĕш номерлĕ пайĕн начальникне Николай Михайлович Федорова Чăваш Республикин Хисеп грамотипе наградăланă;

 ял хуçалăхĕнчи тава тивĕçлĕ ĕçсемшĕн тата нумай çул тỹрĕ кăмăлпа вăй хунăшăн "Корма" çĕр ĕç фирми директорне Александр Иванович Владимирова "Чăваш Республикин ял хуçалăхĕн тава тивĕçлĕ ĕçченĕ" хисеплĕ ят панă;

вырăнти хăй тытăмлăха аталантарас енĕпе тунă пархатарлă ĕçсемшĕн тата нумай çул тỹрĕ кăмăлпа вăй хунăшăн Патăрьел муниципалитет округĕн администрацийĕн йĕркелỹпе тĕрĕслев ĕçĕсен пайĕн ертсе пыракан специалист-экспертне Вера Валентиновна Исаковăна "Чăваш Республикин хăй тытăмлăх органĕсенче тỹрĕ кăмăлпа ĕçленĕшĕн" тав паллипе наградăланă.