Журналист, Раççей Журналисчĕсен союзĕн членĕ (1986 çул), Раççей Писателĕсен союзĕн членĕ (1996), В. Кузнецов ячĕллĕ преми лауреачĕ Владимир Николаевич Рыбкин (Вăрăм Палюк) 65 çул каялла, 1960 çулхи июнĕн 19-мĕшĕнче, Кивĕ Ахпỹрт ялĕнче çуралнă.

Ентеш И.Н. Ульянов ячĕллĕ Чăваш патшалăх университетĕнчен вĕренсе тухнă.

 Ĕç çулне вăл Комсомольски районĕнчи "Октябрь ялавĕ" (халĕ "Каçал ен") хаçатран пуçланă. 1984-1994 çулсенче "Коммунизм ялавĕ" (халĕ "Хыпар") хаçат редакцинче яваплă секретарь çумĕнче, пай заведующийĕнче, тĕп редактор çумĕнче тăрăшнă. 1994-1997 çулсенче - "Хресчен сасси" хаçатăн тĕп редакторĕн çумĕ; 1997-1999 çулсенче - "Капкăн" журналăн аслă редакторĕ; 2000-2003 çулсенче - Росгосстрахăн Чăваш Енри филиалĕн тĕп специалисчĕ; 2003-2004 çулсенче - Россельхознадзор управленийĕн ертỹçин пулăшуçи. 2007-2013 çулсенче - Чăваш Республикинчи профсоюз организацийĕн "Чувашрессовпроф" пĕрлешĕвĕн информаци пайĕн заведующийĕ, "Чувашрессовпроф" пĕрлешĕвĕн "Вперед" хаçачĕн тĕп редакторĕ.

В. Рыбкин - 25 кĕнекен, сăвăсен, калавсен тата пьесăсен пуххин авторĕ. 600 ытла юрă çырнă, "Юрлакан чĕресем" ушкăн продюсерĕ тата ертỹçи.

("Çулталăк кĕнекинчен")