ПАТĂРЬЕЛĔНЧИ пушар надзорĕнчен пĕлтернĕ тăрăх, ку таранччен муниципалитет округĕнчи 25 пушара (иртнĕ çул çак вăхăтра 20 пушар пулнă) шута илнĕ. Юлашкинчен "01" службăн васкавлă пулăшу машинисем июнĕн 2-мĕшĕнче çур çĕр иртнĕ хыççăн Патăрьелĕнчи Киров урамĕнчи сарайсенчен тухнă вут-çулăма хирĕç кĕрешнĕ. Пушарта патшалăх çуртĕнче пурăнакансен виçĕ сарайĕ çунса кайнă. Инспекторсем çирĕплетнĕ тăрăх, инкекĕн сăлтавĕ - вутпа асăрханусăр пулни.
Август 2026 |
