Апрелĕн 23-мĕшĕнче, Чăваш чĕлхи кунне халалласа республикăра Пĕтĕм чăваш диктанчĕ çырнăччĕ. Пирĕн округран унта 800 яхăн çын - вăл шутра шкулта вĕренекенсем, студентсем, учительсем, аслă çултисем... - хутшăннă. Сăкăт ял территори пайĕн пуçлăхĕн Вероника Кузнецован амăшĕ те, 90 çулти Зоя Моторина çак кун аллине ручка тытнă. Ахаль чухне те радио итлеме кăмăллаканскер, диктор вулакан текста питĕ тимлĕ итлесе пĕр сăмах сиктерми çырнă. Почеркĕ те кинемейĕн шăрçа пек.

 Зоя Владимировна 5 ача амăшĕ, пурне те тивĕçлĕ воспитани парса ура çине тăратнă.