Патăрьелĕнчи пĕрремĕш вăтам шкулти 10 класри Лилия Тазетдиновăпа Дмитрий Михайлов И.Н.Ульянов ячĕллĕ Чăваш патшалăх университечĕн базинче тĕнчери студентсен 59-мĕш техника, гуманитари тата çут çанталăк ăслăлăхĕсен наукин конференцине хутшăннă. Ăна Раççейри Тăван çĕршыв хỹтĕлевçин, Чăваш Енри Çĕнтерỹпе патриотизм çулталăкĕсене халалланă.

Конференцине хутшăннисем хăйсен тĕпчев ĕçĕсене хỹтĕленĕ, ку чухнехи обществăн социаллă проблемисене сỹтсе явнă.

Унта Лилия çĕнтерỹçĕ ятне тивĕçнĕ. Çитĕнỹ нихăçан та çăмăлпа килмест, уншăн тăрăшмалла. Вăл малашлăх çула уçса пыма пулăшать.

Альбина ИВАНОВА