Украинăри ятарлă çар операцине хутшăнакан Сител яшĕ Александр Козлов çак кунсенче отпускра пулчĕ. Ялти хастарсем ăна пушă алăпа ярас мар терĕç. Нина Соколова ертсе пыракан ушкăн ятарласа икĕ хỹтĕлев сетки хатĕрлерĕ. Хĕрарăмсем ĕçе кĕске вăхăтра пурнăçларĕç.

Шутлă кун хăвăрт иртсе каять. Сашăна отпускран ятарлă çар операцине ăсатма килнисем паттăра сывлăхпа, çĕнтерỹпе таврăнма сунчĕç, сеткăсемпе пĕрле кучченеçсем те пачĕç. Александр Козлов вăрçă хирĕнче хỹтĕлев хатĕрĕсем питĕ кирлине палăртрĕ, Нина Соколовăпа ăна пулăшакансене тав турĕ.

Ирина ЛЯКОВА