Мари Эл Республикин "Арена" çăмăл атлетика манежĕнче акватлон енĕпе ăмăрту иртнĕ. Унта хутшăнакансем шывра ишсе тата чупса тупăшнă. Икĕ енлĕ тĕрĕслеве парăнтарма çăмăлах та мар. Çавах йывăрлăхсене кая хăварма пултарнă "Паттăр" спорт шкула çỹрекенсем.

Нумай енлĕ чемпионсем вĕсем. Шывра та, çĕр çинче те хăйсене шанчăклăн тытнă. Василиса Лепешкина, Рияз Азмухов, пĕрремĕш, Исмаиль Янтыков, Карим Камалдинов, Василиса Иванова иккĕмĕш, Идель Калмыкова, Элина Калмыкова, Карина Антонова, Ильмира Мухаметзянова виççĕмĕш вырăнсене йышăннă.