Юлашки пилĕк çулта Чăваш Енре çынсем наркоманипе чирлесси Раççейри тата Атăлçи округĕнчи вăтам шайран пĕчĕкрех. Çакăн çинчен наркотиксемпе кĕрешекен комиссин республика Пуçлăхĕ Олег Николаев ертсе пынипе иртнĕ ларăвĕнче вице-премьер - сывлăх сыхлавĕн министрĕ Владимир Степанов пĕлтернĕ. Кунта, паллах, Республика наркодиспансерĕн централизациленĕ химипе токсикологи лабораторийĕн ĕçне йĕркелени те витĕм кỹнĕ. Çакă вара çамрăксем наркотиксемпе, психоактивлă хутăшсемпе усă курнине çийĕнчех тупса палăртма май парать.