ÇĔНĔ çул умĕн Туçа территори пайĕнчи Вăтаел ялĕнче пурăнакан пĕр хĕрарăма урнă тилĕ тапăнни, çавна май тискер чĕрчун виллине Шупашкарти ветлабораторинче тĕрĕсленĕ хыççăн вируса малалла аталанма парас мар тесе Чăваш Ен Пуçлăхĕн указĕпе иртнĕ çулхи декабрĕн 25-мĕшĕнчен карантин пуçланни пирки вулакана пĕлтернĕччĕ. Çак тапхăрта округри ветеринари специалисчĕсем амака пĕтермелли мерăсене çирĕп пăхăнса ĕçленĕ, карантина ăнăçлă ирттерсе янă. Сăмах май каласан, çакăн пек тĕслĕхсем тĕл пулсан çийĕнчех ятарлă службăсене, территори пайне шăнкăравласа пĕлтермелле.