ПАТĂРЬЕЛĔНЧИ пушар надзорĕн начальникĕ Андрей Тукмаков хаçат редакцине пĕлтернĕ тăрăх, ку таранччен округ территорийĕнче пилĕк (иртнĕ çулхи çак вăхăтра 7 тĕслĕх) пушар пулнă. Хĕллехи тапхăрта уйрăмах кăмака хутнă чухне асăрханмаллине манмалла мар. Чăн малтанах кăмака хутакан вырăнти урайне шăвăç çапмалла. Мăръене, тĕтĕм çулне пăхса, тасатса тăни те вут-çулăмран сыхлать. Кăмакана бензинпа, кăраççынпа е ытти хăвăрт тивекен япаласемпе чĕртме, ачасене килте пĕччен хăварма юраманнине те манса каймалла мар. Пушар хăрушсăрлăх йĕркине пăхăнни синкерлĕхе сирме çеç пулăшĕ.