Патăрьелĕнчи халăха социаллă тивĕçтерỹ паракан центрта Украинăри çар операцине контрактпа, хăй ирĕкĕпе е мобилизаци йĕркипе хутшăнакансен çемйисен паспортне тăвас ĕç малалла пырать.

Учреждени ĕçченĕсем муниципалитет округĕнчи хỹтĕлевçĕсем пурăннă территори пайĕсене çитеççĕ. Çывăх çыннисен пурнăçĕпе интересленеççĕ. Татса паман ыйтăвĕсене тишкереççĕ. Финанс лару-тăрăвне, кредит пуррипе çуккине тĕпчеççĕ. "Çак ыйтусене паспорт çине кĕртетпĕр, васкавлă татăклă йышăну тума пулăшатпăр. Учреждени май тупаймасан ыйтăва координаци центрĕн ларăвне кăларатпăр",- ăнлантарчĕ васкавлă социаллă тивĕçтерỹ пайĕн заведующийĕ Татьяна Шакаева.