КĂÇАЛХИ январь уйăхĕ çуркунне евĕр тăрать. Каçхине кăштах сивĕтни вара çулсене, тротуарсене пăрлантарать. Çакă шăпах водительсене те, çуран çỹрекенсене те хăрушлăх кăларса тăратать, çул-йĕр службин ĕçченĕсен яваплăхне ỹстерет. Юлашки кунсенче шуса ỹксе аманнисем йышланни те çакна çирĕплетсе парать. Çанталăк вылянчăклă тăни тĕрлĕрен вируса аталанма та пулăшать. Кăшарни хыççăн урамра кăштах сивĕтрĕ, çилĕ те вăйланчĕ.

 Çанталăка сăнакансем çакă вăхăтлăх çеç теççĕ. Çавăнпа та ăшă çанталăкпа улталанса шăнса пăсăласран, грипран, ОРВИнчен те сыхă пулмалла.