Киров хулинче çăмăл атлетикăпа 16-18 çулсенче çуралнă хĕрачасемпе арçын ачасем хушшинче федерацин Атăлçи округĕнче мала тухассишĕн ăмăрту иртнĕ. Чăваш Енĕн пĕрлештернĕ команди йышĕнче пирĕн муниципалитет округĕнчи "Паттăр" спорт шкул атлечĕсем Кристина Ивановăпа Максим Чемеров та тупăшăва тухнă. Иккĕмĕш кунĕнче Максим (Турхантан) 2000 метрлă дистанцие чăрмавсемпе чупса иккĕмĕш вырăн йышăннă. Çамрăка В.Осипов тренер-преподаватель çак шайри ăмăртăва хутшăнма хатĕрлесе çитерни кăмăллă. Кристина Ивановăн та кăтартăвĕсем япăх мар. Вăл икĕ енлĕ дистанцире те тăваттăмĕш вырăнсенче пулнă. Лев Никитин тренер-преподаватель çамрăк çитĕнĕвне ырлать.